لما بنغزوهم بيبقى اسمه فتح علشان احنا الصح واحنا بننشر الدين الحق وبنوصل الخير ليهم، وهم غزوهم اسمه احتلال لأنهم بينشروا الضلال وبيحاربوا الحق اليقيني.

طيب ما هم كمان بيعتقدوا إنهم الصح مضبوط وعلشان كده هما حروبهم من أجل الحريات والديموقراطية وبيجعلوها حروب مشروعة وبطولات في حين إنهم بيجعلوا الحروب الدينية غير مشروعة لأنهم علمانيين ليبراليين والشيوعيين كانوا بيجعلوا حروبهم من أجل نشر الشيوعية وحقوق البروليتاريا مشروعة وحروب الغرب حروب امبريالة قذرة والصليبيين كانوا بيعتبروا الحروب الصليبية حروب مشروعة وبيعتبروا حروب المسلمين احتلال وكل من يتبنى فكر بيعتبر نصرته حق ونصرة غيره باطل وكل إنسان بينطلق في توصيفه للأمور من المباديء اللي بيؤمن بها.

طيب ليه مقتنعين إن احنا الصح وهما الغلط؟ بمنتهى البساطة لأن أدلة كوننا على الحق جلية في منتهى الجلاء.

طيب ما هما كمان مقتنعين إنهم على حق؟ صحيح لكن ده لا يغير من الحقيقة شيء، حضرتك لو اعتقدت إن مفيش جاذبية الجاذبية برضه هتجذبك= اعتقادك لا يغير من حقائق الأمور شيئا.

اعتقاد إنسان أن الاغتصاب شيء عادي مش هيغير من كونه جريمة قذرة، واعتقاد شخص كافر أنه هيدخل الجنة مش هيغير من أنه هيدخل النار في الآخرة، واعتقاد شخص أن مفيش آخرة ومفيش إله مش هيغير من واقع إن فيه إله وفيه آخرة.