التخطيط حاجة، والتنفيذ حاجة ..

التخطيط بيساعد على التنفيذ وبيسهله وبيضاعف آثار الجهد المبذول ..

 

- أول نصيحة، والتي أقولها دائمًا في بداية الجلسات الشبيهة باللايف كوتشنج إن مفيش عصاية سحرية ولا خريطة للكنز، كل النصائح والأدوات هي وسائل مساعدة تنفي عن الإنسان فساد التصور، ويبقى علاج فساد الإرادة راجع للإنسان نفسه، وقرارته، ومجاهدته ..

 

- اقرأي هذا رجاءً ..

 

- ويمكنك إضافة كتاب كويس جدًا وهو Eat That Frog لـ Brian Tracy، وأظن هتلاقيه مترجم إن شاء الله.

 

- اهتمي بوسائل الضغط، زي الـ Deadlines (الأوقات النهائية)، والصحبة ذات الاهتمامات المشتركة، ووجود من يلزمك ويتابعك ..

 

- اهتمي بوسائل التحفيز، زي ربط الإنجاز بالثواب والعقاب الشخصي من خلال قواعدك الخاصة، وزي استخدام بعض أدوات إدارة المهام المحفزة زي Pomodoro وهي جيدة، وفيه App كويس جدًا ومحفز جدًا للبومودورو تكنيك اسمه Productivity Challenge، زي بالمرة تطبيقات الـ Productivity والـ Habit Tracking زي HabitBull، وزي الكلمات المحفزة حواليكي ع المكتب أو في الغرفة.

 

- حطي دايمًا أهداف وقائمة مهام معقولة، بلاش مبالغة توقعك بعد كده، خير الأعمال أدومها وإن قلّ.

 

- اقطعي كل الملهيات، احبسي نفسك عند التركيز والعمل في مكان هادئ خالٍ من تنبيهات الفيس والماسنجر والواتس ..